Landsbyggð og Sveitarfélagið Hornarfjörður hafa gert með sér samkomulag um þróun skipulags, uppbyggingu og úthlutun lóða á nýju miðbæjarsvæði á Höfn.

Við vinnum verkefnið eftir sömu leiðarljósum og í öðrum verkefnum okkar, þar sem sérstök áhersla er lögð á að fanga staðarandann og nýta styrkleika og sérkenni nærsamfélagsins. 

Verkefnið felur í sér að endurskoða og betrumbæta gildandi skipulag svæðisins í heild, þar sem áherslan er að skapa lifandi miðbæ sem á í góðu samspili við höfnina. Vinnan fer fram í nánu samráði við sveitarfélagið og aðra hagaðila og mun fela í sér kynningar og opið samtal við íbúa á meðan ferlinu stendur. Gert er ráð fyrir að skipulagsvinnunni ljúki á árinu 2026 og er ráðgert að hugmyndir að miðbæjarskipulagi verði lagðar fyrir íbúa í íbúakönnun- eða kosningu.