Landsbyggð reisti glæsilegt 28 íbúða fjölbýlishús við Austurveg 51 á Selfossi, sem sem allar voru seldar á almennum markaði á sínum tíma með áherslu á 60 ára og eldri.

Byggingarverktakinn Jáverk byggði húsið fyrir hönd Landsbyggðar og var verkefnið hugsað sem mikilvægt skref í því að mæta vaxandi þörf fyrir fjölbreytt húsnæði fyrir eldra fólk á svæðinu.

Í kjallara hússins er rúmgóður bílakjallari sem tryggir íbúum þægilega og örugga aðkomu að heimilinu. Þá er í húsinu einnig 500 fermetra félagsaðstaða sem Félag eldri borgara á Selfossi nýtir í dag til samveru og félagsstarfs – mikilvægur þáttur í virkni og lífsgæðum íbúa.

Einnig er starfsemi dagdvalar fyrir aldraða Árblik staðsett í húsinu. Árblik veitir fjölbreytta þjónustu fyrir eldri íbúa í Árborg og styrkir tengslin milli búsetu og heilsueflandi úrræða. Verkefnið við Austurveg 51 er gott dæmi um hvernig má sameina íbúðalausnir og samfélagslega þjónustu á hagkvæman hátt – með velferð eldri borgara að leiðarljósi.