Við höfum staðið að metnaðarfullu þróunarsvæði við bakka Ölfusár undanfarin ár, svonefndu Árbakkalandi. Deiliskipulag gerir ráð fyrir um 550 íbúðum á svæðinu, þar af um 100 í sérbýli. Ráðgert er að sala á lóðum hefst seinni hluta árs 2025. 

Árbakkaland er staðsett á einstaklega fallegum stað við Ölfusá – á milli núverandi brúar og þeirrar nýju sem áætlað er að verði tilbúin árið 2028. Útsýnið yfir ána og Ingólfsfjall setur svæðinu einstakan svip og gerir Árbakkaland að eftirsóknarverðum valkosti fyrir þá sem leita að heimili í náttúruvænu en um leið þjónustumiðuðu umhverfi.

Selfoss er ört vaxandi byggðarkjarni með öflugt samfélag, fjölbreytt skólakerfi, öflugt íþróttastarf og fjörugt menningar- og tómstundalíf. Einnig nýtur Árbakkaland nálægðar við Hellisskóg og golfvöllinn á Selfossi, sem gerir svæðið sérstaklega aðlaðandi fyrir útivistarfólk og íþróttaiðkendur. Í Árbakkalandi verður byggður leikskóli og um 10-15 mínútna gangur er í næsta grunnskóla.

Nánari upplýsingar um Árbakkaland, áfangaskiptingu og lóðir til sölu má finna á söluvef verkefnisins, www.arbakkaland.is.